لاہور (ویب ڈیسک): سردیوں کے موسم میں چھوٹے دن اور ٹھنڈے درجہ حرارت کی وجہ سے اکثر لوگ نزلہ و زکام کا شکار ہو جاتے ہیں جبکہ سردی سے بچنے کیلئے زیادہ تر گھر یا بند کمروں میں رہنے کی وجہ سے قوت مدافعت کمزور ہو جاتی ہے۔
ایسے میں قدرت نے کچھ ایسے موسمی پھل پیدا کئے ہیں جو نہ صرف آپ کی قوت مدافعت میں اضافہ کرتے ہیں بلکہ یہ پھل وٹامن سی سے بھرپور ہوتے ہیں جو کہ سرد موسم میں جسم کی گرمی کو برقرار رکھنے اور آپ کے مدافعتی نظام کو مضبوط بنانے کے لیے ایک اینٹی آکسیڈنٹ کا کام کرتے ہیں-
١– سیب
آپ کو موسم سرما کے دوران زیادہ تر گھرانوں میں سیب ملنے کا امکان ہے۔ سیب میں اینٹی آکسیڈنٹس ہوتے ہیں جو اعصابی صحت کو بہتر بناتے ہیں اور الزائمر کی بیماری کا خطرہ کم کرتے ہیں۔ موسم سرما کا یہ پھل ذیابیطس اور تھرومبوٹک فالج کا خطرہ بھی کم کرتا ہے۔
٢– انگور
انگور سال بھر دستیاب رہنے والا پھل ہے لیکن سردیوں کے موسم میں اس کے بہت سے فائدے ہیں کیونکہ یہ اینٹی آکسیڈنٹس سے بھرپور ہوتے ہیں۔ یہ پوٹاشیمکا ایک اچھا ذریعہ ہیں جو جلد کے مسائل کو روکنے میں مدد کرتے ہیں۔ انگور آپ کی دماغی طاقت کو بڑھاتے ہیں اور آپ کی آنکھوں اور گھٹنوں کے لیے بہت مفید ہیں۔
٣- کیوی
کیوی وٹامن سی سے بھرپور ایک پھل ہے جو آپ کو دن بھر توانائی بخشتا ہے۔ یہ غذائی ریشہ کا ایک اچھا ذریعہ بھی ہے اور سردیوں کے موسم میں ہر طرح کے کھانوں کو ہضم کرنے میں مدد دیتا ہے۔ کیوی میں الکلائن خصوصیات ہیں جو آپ کے جسم کی ساخت کو ٹھیک حالت میں رکھتی ہیں اور جلد کی صحت کو بہتر بنانے میں مدد کرتی ہیں۔
٤- کینو/مالٹا
مالٹا یا کینو موسم سرما کا ایک بہترین پھل ہے جو ذائقہ میں لاجواب ہونے کے ساتھ ساتھ وٹامن سی کا بھرپور ذریعہ ہے- یہ پھل کینسر کے خطرے کو بھی کم کرتا ہے۔ یہ ایک غذائیت سے بھرپور صحت بخش ناشتہ بھی ہے جسے آپ جوس کی صورت میں بھی استعمال کر سکتے ہیں۔
٥– اسٹرابیری
اسٹرابیری موسم سرما کا ایک ایسا پھل ہے جو مزیدار ذائقے کے ساتھ ساتھ صحت کے بے شمار فوائد بھی رکھتا ہے۔ اسٹرابیری جلد کے لیے اچھی ہے کیونکہ یہ اینٹی آکسیڈنٹس سے بھرپور پھل ہے اور یہ سردیوں کی عام بیماریوں سے بچنے کے لیے آپ کی قوت مدافعت کو بڑھا دیتی ہیں۔
Leave a Reply