اومی کرون کے ساتھ ساتھ کورونا نے بھی دوبارہ سر اٹھانا شروع کردیا، قطر میں کورونا کے پھیلاؤ کے باعث تعلیمی اداروں کو پھر بند کردیا گیا۔
قطری حکام کا کہنا ہے کہ ہم بچوں اور والدین کی زندگیوں کو خطرے میں نہیں ڈال سکتے اور اس لئے ہم نے سکولوں کو بند کرنے کا فیصلہ کیا ہے
عرب میڈیا کے مطابق قطر میں سکولوں اور ایلیمنٹری کلاسز میں تدریسی عمل معطل کردیا گیا
سکولوں کے بند ہونے سے بچوں میں ایک دفعہ پھر سے خوشی کی لہر دیکھنے کو مل رہی ہے اور بچوں کی جانب سے بھی یہ ہی مطالبہ کیا جا رہا تھا کہ سکولوں کو بند کیا جائے
قطر کی وزارت تعلیم کا کہنا ہے کہ سکولوں اور ایلیمنٹری کلاسز میں تدریسی عمل 2 جنوری سےایک ہفتے کیلئے معطل کیا گیا ہے۔
قطری حکام کا کہنا ہے کہ سکولوں کو بند کرکے وہاں پر سپرے کی جائے گی اور تمام انتظامات کا دوبارہ ایک دفعہ جائزہ لے کر سکولوں کو کھولنے کا فیصلہ کیا جائے گا
ایجوکیشن حکام نے کہا ہے کہ تعلیمی ادارے طلبا کیلئے آن لائن کلاسز کو یقینی بنائیں۔چاہتے ہیں کہ بچوں کا تدریسی عمل جاری رہے
اس لئے والدین سے بھی گزارش ہے کہ گھروں میں بچوں کی تعلیم پر توجہ دیں۔
دوسری جانب وزارت صحت کا کہنا ہے کہ قطر میں 24 گھنٹوں میں کورونا کے 533 کیسز ریکارڈ ہوئے، قطر میں کورونا وائرس کے 4 ہزار 380 فعال کیسز ہیں ،اور 24 گھنٹوں میں کورونا سے ایک شخص جاں بحق ہوا ، قطر میں کورونا سےمجموعی طورپر 618 افراد ہلاک ہوچکےہیں۔
قطری حکام نے یہ بھی کہا ہے کہ اگر کورونا کیسز میں اضافہ ہوتا رہا تو پھر سکولوں کو مزید عرصے کے لیے بھی بند کرنے پر غور کیا جا سکتا ہے
جبکہ محکمہ تعلیم نے یہ کہا ہے کہ اگر بچے آن لائن کلاسز کو جاری رکھیں تو پھر ہم حکام سے سکولوں کو بند کرنے کا کہہ سکتے ہیں
Leave a Reply