جعلی پاسپورٹ بیچنے پر امریکی سفیر گرفتار

ترکی کی سرکاری خبر رساں ایجنسی نے رپورٹ کیا ہے کہ ترک حکام نے لبنان میں امریکی قونصل خانے کے لیے کام کرنے والے ایک امریکی سفارت کار کو مبینہ طور پر ایک شامی شخص کو جعلی پاسپورٹ فراہم کرنے کے الزام میں گرفتار کیا ہے ۔

انادولو ایجنسی نے بتایا کہ مشتبہ شخص، جس کی شناخت کو راز میں رکھا گیا ہے کو 11 نومبر کو استنبول ایئرپورٹ پر حراست میں لیا گیا تھا.

اور بعد میں اسے جعلی پاسپورٹ $10,000 میں فروخت کرنے کے شبے میں باضابطہ طور پر گرفتار کیا گیا تھا۔

انادولو نے کہا کہ شامی شخص کو اس وقت پوچھ گچھ کے لیے حراست میں لیا گیا جب اس نے جھوٹے پاسپورٹ پر جرمنی جانے کی کوشش کی، جو ڈی جے کے کے نام پر تھا۔

پولیس نے بعد میں سیکورٹی کیمرے کی فوٹیج کی جانچ کے ذریعے طے کیا کہ D.J.K. نے ائیرپورٹ پر پاسپورٹ دیا اور دونوں نے کپڑوں کا تبادلہ بھی کیا۔

رپورٹ میں بتایا گیا کہ پولیس نے سفارت کار سے 10,000 ڈالر پر مشتمل ایک لفافہ بھی قبضے میں لے لیا۔

انادولو نے رپورٹ کیا کہ امریکی کو جیل میں ڈال دیا گیا ہے جبکہ شامی کو جعلی دستاویزات کے لیے ممکنہ کارروائی کے لیے رہا کر دیا گیا تھا۔

جبکہ دوسری جانب انقرہ میں امریکی سفارت خانہ اس رپورٹ پر ابھی تک کوئی بیان نہیں دے رہا۔