امریکی تاریخ میں پہلی مرتبہ امریکہ کے اہم ترین مقام پر مسلمانوں نے باجماعت نماز تراویح ادا کی۔
تفصیلات کے مطابق دنیا بھر میں مسلمانوں کے مقدس مہینے رمضان المبارک کا آغاز ہوچکا ہے۔ یہ مہینہ روزے کی برکتوں کے ساتھ ساتھ نماز تراویح جیسی عبادت سے مزین ہوتا ہے۔ دنیا بھر کی طرح امریکہ میں بھی رمضان کا آغاز مذہبی جوش جذبے کے ساتھ ہوا، اور امریکہ کی تاریخ میں پہلی مرتبہ مسلمانوں نے امریکہ اہم ترین مقام ٹائمز اسکوائر پر باجماعت نماز تراویح ادا کی۔
امریکہ کے شہر نیویارک کا دل سمجھے جانے والے تجارتی مرکز پر تاریخ میں پہلی مرتبہ نماز تراویح کا باجماعت انعقاد کیا گیا جس میں سینکڑوں مسلمانوں نے شرکت کی۔
Muslims take up Times Square, New York for taraweeh prayer. pic.twitter.com/XzTR7muieI
— Muslim (@Muslim) April 3, 2022
ٹائمز اسکوائر پر نماز تراویح کا انعقاد کرنے والے منتظمین نے میڈیا سے گفتگو کرتے ہوئے کہا کہ نماز تراویح کا عوامی مقام پر انعقاد کرنے کا مقصد اسلام کو دہشت گردی سے جوڑنے کے تاثر کو ختم کرنا اور دنیا کو یہ پیغام دینا تھا کہ اسلام ایک پر امن مذہب ہے۔
مزید پڑھیں: کیا حکومت گرانے کے پیچھے امریکی ہاتھ ہے؟ اہم سروے رپورٹ سامنے آگئی
اس تاریخی اجتماع میں شرکت کرنے والی مسلمانوں کا کہنا تھا کہ نماز تراویح میں قرآن پاک کی تلاوت سننا ایک سعادت کی بات اور آج انہیں اس تاریخی موقع پر یہ سعادت حاصل کر کے خوشی ہو رہی ہے۔
یاد رہے کہ ٹائمز اسکوائر پر اس سے پہلے افطار اور نماز مغرب باجماعت ادائیگی کی جاتی رہی ہے تاہم، باجماعت نماز تراویح پہلی مرتبہ ادا کی گئی ہے۔
مزید پڑھیں: ہندو انتہا پسندوں کا بھارت میں حجاب کے بعد حلال گوشت پر پابندی کا مطالبہ