ایس ایچ او بننے کے بی ایڈ کی ڈگری لازم قرار دے دی گئی وفاقی حکومت نے فوجداری قوانین میں بڑی تبدیلیوں کا اعلان کر دیا ۔
اب ایس ایچ او بننے کے لیے بی اے کی ڈگری لازم کردی گئی ہے اور مقدمات کا فیصلہ بھی 9 ماہ میں کرنا ضروری ہوگا ۔
معتبر ذرائع کے مطابق وزیراعظم عمران خان نے فوجداری قوانین میں بڑے پیمانے پر تبدیلیوں کی منظوری دی ہے ۔
قوانین میں ان تبدیلیوں کے بعد اب یہ لازم ہوگا کہ ایس ایچ او بننے کے لیے بی ایڈ کی ڈگری لازمی ہونی چاہیے جبکہ مقدمات کا فیصلہ بھی 9 ماہ میں کرنا ضروری ہوگا اور اگر ایسا نہ کیا گیا تو متعلقہ جج ہائی کورٹ کے سامنے جوابدے ہو گا ۔
اس کے علاوہ تھانوں کو سٹیشنری ٹرانسپورٹ اور دیگر ضروری اخراجات کیلئے حکومت کی طرف سے خرچہ ملے گا جبکہ عام جرائم کی سزا کی مدت 5سال سے کم کر کے6 ماہ تک کر دی جائے گی ۔
وفاقی وزیر قانون فروغ نسیم نے 600 سے زائد نکات پر بریفنگ دیتے ہوئے بتایا کہ قتل، زیادتی، دہشتگردی، غداری اور اس جیسے دیگر سنگین مقدمات میں پلی بارگین نہیں ہو سکے گی ۔
اس کے علاوہ قوانین میں تبدیلیوں کے بعد موبائل فوٹیج ، تصاویر، آواز کی ریکارڈنگ اور ماڈرن ڈیوائسزحاصل شدہ مواد کو بطور شہادت تسلیم کیا جا سکے گا ۔
یہ ترامیم آئندہ ہفتے منظوری کیلئے کابینہ میں پیش کی جائیں گی جبکہ بدھ کے روز پارلیمنٹ میں پیش کیے جانے کا امکان ہے ۔
حکومت کے اس فیصلے کو سوشل میڈیا صارفین نے خوب سراہا ہے.
Leave a Reply