آئی سی سی ٹی ٹوئنٹی ورلڈکپ میں گروپ 2 کے انتہائی اہم ترین میچ میں کیویز نے افغانستان کو شکست دے کر سیمی فائنل کیلئے اپنی سیٹ کو یقینی بنا لیا ہے.
نیوزی لینڈ 125 رنز کا ہدف19 ویں اوور میں با آسانی مکمل کرکے گروپ 2 سے سیمی فائنل میں پہنچنے والی دوسری ٹیم بن گئی۔
جبکہ اس سے پہلے گروپ 2 سے پاکستان پہلے ہی سیمی فائنل کیلئے کوالیفائی کرچکا ہے۔
ابوظبی میں کھیلے گئے میچ میں افغانستان کےکپتان محمد نبی نے ٹاس جیت کر پہلے بیٹنگ کا فیصلہ کیا تھا۔
افغانستان کی ٹیم بیٹنگ کے دوران کافی زیادہ مشکلات کا شکار رہی اور 20 اوورز میں 8 وکٹوں کے نقصان پر صرف اور صرف 124 رنز ہی بناسکی۔
افغانستان کی جانب سے نجیب اللہ 73 نے رنز بنائے. ان کے علاوہ گلبدین نائب نے 15 اور محمد نبی 14 رنزبنانے میں کامیاب رہے.
نیوزی لینڈ کی جانب سے بولٹ نے17 رنزکے عوض تین وکٹوں کا شکار کیا، ٹم ساؤتھی نے 2 ، ایش سودی ،ایڈم ملن اور جیمز نیشم نے ایک, ایک کھلاڑی کو گھر بھیجا.
نیوزی لینڈ نے 125 رنز کا ہدف 2 وکٹوں کے نقصان پر پورا کرکے سیمی فائنل کیلئے کوالیفائی کرلیا۔
نیوزی لینڈ کی جانب سے کپتان ولیم سن 40 اور ڈیون کونوے 38 رنز بناکر ناقابل شکست رہے۔
گروپ 2 میں نیوزی لینڈ کے سیمی فائنل میں جگہ بنانے کے بعد پڑوسی ملک بھارت سیمی فائنل کی دوڑ سے باہر ہوگیا، جبکہ ابھی بھارت نے اپنا آخری میچ نمیبیا کےخلاف 8 نومبر کو کھیلنا ہے۔
ورلڈ کپ کے شیڈول کے حساب سے پہلا سیمی فائنل 10 نومبر کو شام 7 بجے ابوظبی میں ہوگا جبکہ دوسرا میچ 11 نومبر کو شام 7 بجے دبئی میں ہوگا۔
ٹورنامنٹ کے فارمیٹ کے حساب سے گروپ 1 کی پہلی پوزیشن والی ٹیم گروپ 2 کی دوسرے نمبر والی ٹیم سے سیمی فائنل میں پنجہ آزمائی کرے گی اور گروپ 2 کی پہلی پوزیشن کی ٹیم گروپ 1 کی دوسرے نمبر والی ٹیم سے میچ کھیلے گی.
گروپ 1 میں انگلینڈ پہلے اور آسٹریلیا دوسرے نمبر پر ہیں جبکہ گروپ 2 میں نیوزی لینڈ رن ریٹ کی وجہ سے پہلے اور پاکستان دوسرے نمبر پر ہے۔
تاہم پاکستان اپنا آخری گروپ میچ اسکاٹ لینڈکے خلاف آج کھیل رہا ہے، پاکستان اسکاٹ لینڈ کو ہرا کر گروپ 2 میں ٹاپ پر آسکتا ہے جس کے بعد اس کا مقابلہ سیمی فائنل میں ٹیم آسٹریلیا سے 11 نومبر کو دبئی میں ہوگا۔
Leave a Reply