اسلام آباد: وزیراعظم عمران خان کے معاونِ خصوصی برائے سیاسی روابط شہباز گِل نے اپنے ایک بیان میں عوام کو خوشخبری سناتے ہوئے کہا کہ وزیر اعظم عمران خان نے اوگرا کی جانب سے پیٹرولیم مصنوعات کی قیمتوں میں اضافے کی سمری کو مسترد کر دیا ہے۔
شہباز گِل نے سوشل میڈیا ویب سائٹ ٹویٹر پر اپنے ایک پیغام میں کہا کہ پٹرولیم مصنوعات میں کسی بھی قسم کی تبدیلی نہیں کی جا رہی اور تحریک انصاف کی حکومت بڑھتی قیمتوں کو اپنے اوپر لے گی اور عوام کو مہنگائی سے بچانے کی پوری کوشش کرے گی۔
معاونِ خصوصی نے ٹویٹر پر اپنا پیغام لکھتے ہوئے بتایا کہ “وزیراعظم نے پٹرول 11 روپے ڈیزل 14 روپے بڑھانے کی سمری کو منظور نہیں کیا۔ وزیراعظم نے کہا کہ پوری دنیا میں بڑھتی مہنگائی کی وجہ سے تیل کی قیمتیں بڑھ رہی ہیں لیکن پاکستانی عوام کو اس مہنگائی سے بچانے کے لئے حکومت ہر ممکن کوشش کرے گی۔ اس لئے وزیراعظم نے اس سمری کو ڈیفر کردیا۔”
مزید پڑھیے: ریکوڈک منصوبے میں پاکستان کو بڑی کامیابی مل گئی
وزیراعظم نے پٹرول 11 روپے ڈیزل 14 روپے بڑھانے کی سمری کو منظور نہیں کیا۔ وزیراعظم نے کہا کہ پوری دنیا میں بڑھتی مہنگائی کی وجہ سے تیل کی قیمتیں بڑھ رہی ہیں لیکن پاکستانی عوام کو اس مہنگائی سے بچانے کے لئے حکومت ہر ممکن کوشش کرے گی۔ اس لئے وزیراعظم نے اس سمری کو ڈیفر کردیا۔
— Dr. Shahbaz GiLL (@SHABAZGIL) January 31, 2022
گزشتہ شب سے ملکی میڈیا پر مہنگائی میں پسی عوام پر پٹرول بم گرائے جانے کی خبریں چل رہی تھیں اور آج رات 12 بجے نئی قیمتوں کے اطلاق کا امکان ظاہر کیا جا رہا تھا۔ تاہم معاونِ خصوصی شہباز گِل کے ٹویٹ سے یہ امکان ختم ہو چکا ہے اور اب عوام کو تمام پٹرولیم مصنوعات 15 دن پہلے والی قیمتوں پر ہی ملیں گی۔
ذرائع کے مطابق اوگرا نے پٹرولیم مصنوعات کی قیمتوں میں 9 روپے 50 پیسےفی لیٹرتک اضافہ کی سمری بھجوائی، اور سمری میں پیٹرول 5 روپے 50 پیسے، ڈیزل 7 روپے فی لیٹر، مٹی کا تیل 9 روپے 50 پیسے اورلائٹ ڈیزل کی قیمت میں 7 روپے 80 پیسے فی لٹراضافہ کی سفارش کی گئی تھی۔
Leave a Reply