دبئی: دو بچوں کے باپ پاکستانی ٹیکسی ڈرائیور جنید رانا نے دبئی میں ہونے والی لاٹری کا 50 ہزار درہم کا انعام جیت لیا- جنید نے انکشاف کیا کہ اس نے قرعہ اندازی میں آخری دل حصہ لیا تھا اور قسمت نے اس ساتھ دیا-
خلیج ٹائمز کے مطابق رانا جنید ٹیکسی چلا کر ماہانہ چھے ہزار درہم کماتا ہے اور اپنی 4 سالہ بیٹی، 2 سال کے بیٹے، بیوی اور دیگر اہل خانہ کا کفیل ہے- ان کی بیوی بچے پاکستان میں ہیں اور لاٹری کا نمبر آنکھیں بند کر کے اٹھا لیا تھا-
مشترکہ خاندانی نظام سے تعلق رکھنے والے جنید رانا نے بتایا کہ ’میں نے ہفتے کو پاکستان اپنے گھر فون کیا تو میری بہن نے فون اٹھایا۔ جب میں نے اس سے اپنی بیوی کے بارے میں پوچھا تو اس نے بتایا کہ وہ نماز پڑھ رہی ہے- میں نے اپنی بہن کے زریعے بیوی کو پیغام پہنچایا کہ وہ دعا کرے کہ میری لاٹری نکل آئے- مجھے لگتا ہے میری بیوی کی دعا قبول ہوئی اور اب میں اپنے تیسرے بچے کا نام دعا رکھوں گا‘
جنید نے مزید بتایا کہ وہ ڈیوٹی کے بعد اپنے دوستوں کے ساتھ بیٹھا تھا کہ کسی نے مجھے بتایا کہ کوئی 50 ہزار درہم کا انعام جیت چکا ہے جو کہ پاکستانی دو ارب اور 37 کروڑ روپے بنتے ہیں- میں نے کہا کہ مجھے اپنا نمبر چیک کرنے دو اور جب دیکھا تو میں جیک پاٹ جیت چکا تھا-
جنید رانا سے جب رقم خرچ کرنے کے متعلق سوال پوچھا گیا تو انہوں نے بتایا کہ اس جیتی گئی رقم سے سب سے پہلے اپنا اور اپنے بھائی کا قرض ادا کروں گا- اس کے بعد میں پاکستان اور دبئی میں اپنے خاندان کے لئے گھر خریدوں گا- اس کے علاوہ جنید نے سکائی لائن جی ٹی آر کار بھی خریدنے کی خواہش کا اظہار کیا جو ان کا ایک خواب ہے-
ٹیکسی ڈرائیور رانا جنید کی پرورش متحدہ عرب امارات میں ہوئی جہاں ان کے والد ٹیلرنگ کا چھوٹا کاروبار تھا لیکن کچھ سال پہلے ان کے والد شدید بیمار ہو گئے اور علاج کی غرض سے پاکستان واپس آنا پڑا- پانچ سال تک جنید اپنے والد کا علاج کراتے رہے لیکن وہ الله کو پیارے ہو گئے- قرعہ اندازی میں اتنی بڑی رقم جیتے کے بعد جنید اب اپنے بیوی بچوں اور والدہ کو جلد از جلد متحدہ ارب امارت لانے کے منتظر ہیں-
Leave a Reply