ایم کیو ایم کے قائد الطاف حسین بے گناہ قرار

برطانیہ کی ایک عدالت نے منگل کے روز ایم کیو ایم کے قائد الطاف حسین کودہشت گردی کے مقدمے میں اکسانے کے دو الزامات میں بے گناہ قرار دیتے ہوئے بری کر دیا۔

عدالت کے ججوں نے 10-2 کے اکثریتی فیصلے کو بحث کے تیسرے دن واپس کر دیا۔ جیوری کو متفقہ فیصلے پر پہنچنے میں ناکامی کے بعد اکثریتی فیصلے پر پہنچنے کی ہدایت کی گئی۔ نو گھنٹے کے بعد جیوری نے الطاف حسین کو مجرم نہیں پایا۔

ایم کیو ایم کے قائد پر 22 اگست 2016 کو برطانیہ سے پاکستان میں اپنے کارکنوں کے لیے ایک نفرت انگیز تقریر میں “دہشت گردی کی حوصلہ افزائی” کا الزام عائد کیا گیا تھا۔

اسکاٹ لینڈ یارڈ کی جانب سے کراچی میں مبینہ طور پر تشدد کی حوصلہ افزائی کرنے والی برطانیہ میں کی گئی تقاریر کی تحقیقات شروع کرنے کے تین سال بعد، 2019 میں الزامات عائد کیے جانے سے پہلے اسے گرفتار کیا گیا اور ضمانت پر رہا کر دیا گیا۔

فرد جرم کو دو الگ الگ شماروں میں تقسیم کیا گیا تھا، دونوں کا تعلق دہشت گردی ایکٹ 2006 کے سیکشن 1(2) کے برخلاف “دہشت گردی کی حوصلہ افزائی” کے جرم سے ہے۔

س کیس میں گزشتہ ہفتے دلائل مکمل ہو گئے تھے۔ اگرچہ ابتدائی طور پر یہ توقع کی جا رہی تھی کہ الطاف حسین ان تقاریر کو ماننے سے انکار کر دیں گے، آخر کار ان کے وکیل نے عدالت کو بتایا کہ ایک کیو ایم کے قائد نے ایسا کرنے سے انکار کیا اور تقاریر کرنے کے اعتراف بھی کر لیا۔

ایم کیو ایم کے بانی 1990 کی دہائی کے اوائل سے لندن میں خود ساختہ جلاوطنی کی زندگی گزار رہے ہیں، جب انہوں نے سیاسی پناہ کی درخواست دی تھی۔ بعد میں انہیں برطانوی شہریت دے دی گئی۔ لندن سے، الطاف حسین نے سیاست میں ایک فعال کردار ادا کیا، کراچی میں اپنے کارکنوں کے لئے سیاسی تقاریر باقاعدگی سے نشر کرتے رہے۔

برطانوی عدالت کے اس فیصلے کے بعد پاکستان کے سیاسی و معاشی تجزیہ نگار نے اس فیصلے پر کڑی تنقید کرتے ہوئے ٹویٹ کیا کہ ایم کیو ایم قائد الطاف حسین آج بھی برطانیہ کی خفیہ ایجنسی ایم آئی 6 کے لئے ایک اہم اثاثہ ہے۔

Altaf Hussain Declared Not Guilty Of Terrorism In England.

Thank you MI6 for making it obvious that he is STILL an asset to you.

— Mir Mohammad Alikhan (@MirMAKOfficial) February 15, 2022

اس فیصلے کے بعد جہاں ایک کیو ایم کے مردہ جسم میں جان پڑتی نظر آ رہی ہے وہیں پاکستان کے سیاسی و عسکری حلقوں میں تشویش پائی جا رہی ہے اور آئندہ چند روز اس حوالے سے انتہائی اہمیت کے حامل ہیں۔ تاہم ابھی تک حکومت پاکستان اور عسکری اداروں کی طرف سے سرکاری موقف نہیں آیا۔