افغان طالبان کی ‘پانی پت بریگیڈ’ کیا ہے

لاہور (ویب ڈیسک): پاکستان کے مغربی پڑوسی افغانستان پر افغان طالبان کے قبضہ کے بعد بھارت کی عملداری تقریبا ناممکن ہو چکی ہے جبکہ ان کا سفارتخانہ بھی بن ہو چکا ہے۔ ایسے میں افغان طالبان کی فوج کی نئی یونٹ کے جھنڈے نے مودی سرکار کے لئے ایک نئی صورت حال پیدا کر دی ہے۔

اس نئی یونٹ کے جھنڈے کا رنگ سرخ جبکہ 2 تلواروں کے بیچ ‘پانی پت’ لکھا ہے۔ دفاعی تجزیہ نگار سید زید حامد نے اس یونٹ کی نئے جھنڈے کے ساتھ تصویر اپنے ٹویٹر اکاؤنٹ پر لگاتے ہوئے لکھا کہ “افغان طالبان نے بھارت پر حملہ کرنے کے لیے ایک نئی ایلیٹ یونٹ تیار کی ہے۔ اسے ‘پانی پت بریگیڈ’ کہا جاتا ہے۔ دہلی کے باہر مشہور تاریخی میدان جنگ کے نام پر رکھا گیا ہے جہاں مسلم فوجوں نے صدیوں پہلے ہندوستان کی ہندو فوجوں کو کچل دیا تھا۔”

Afghan Taliban have raised a new elite unit to attack India. It’s called “Panipat Brigade”….named after the famous historical battle field outside Delhi where Muslim armies crushed Hindu armies of India multiple times over centuries.
This is a very interesting development! pic.twitter.com/B9GQmDfKE9

— Zaid Hamid (@ZaidZamanHamid) February 11, 2022

بھارت میں اس نئی ایلیٹ یونٹ کے نام کے حوالے سے خاصی تشویش پائی جا رہی ہے اور اسے احمد شاہ ابدالی کو دوبارہ زندہ کرنے کے مترادف قرار دیا جا رہا ہے۔

خیال رہے کہ پانی پت کی تیسری جنگ، افغانوں کے بانی احمد شاہ ابدالی اور مرہٹہ سلطنت کے درمیان 1761 میں لڑی گئی۔ احمد شاہ ابدالی نے مرہٹوں کو شکست فاش دیتے ہوئے ان کے پورے ہندوستان پر ہندو راج قائم کرنے کے خواب کو چکنا چور کر دیا تھا۔ ایک اندازے کے مطابق اس جنگ میں 60 سے 70 ہزار مرہٹہ سپاہی مارے گئے تھے جبکہ بہت سے قیدی بنا لئے گئے تھے۔

بھارت نے پانی پت کی تیسری جنگ پر ایک فلم بھی بنائی ہے جس میں احمد شاہ ابدالی کو ایک ظالم اور ڈاکو کے طور پر پیش کر مسلمانوں اور افغانوں کے اس ہیرو کی شخصیت کو مسخ کرنے کی ناکام کوشش کی گئی ہے۔

اس بات سے اندازہ ہوتا ہے کہ ہندو بنئے کے لئے آج بھی ‘پانی پت’ کی شکست ایک ناسور بن کر ان کے زخموں کو ہرا رکھتی ہے اور افغان طالبان کی فوج کے نئے یونٹ کے نام اور جھنڈے نے کیوں ان کے تلووں کو آگ لگا دی ہے۔