بال وڈ اداکار سیف علی خان اور ان کی اہلیہ کرینہ کپور اس وقت پھر سے سوشل میڈیا پر ٹاپ ٹرینڈ پر آچکے ہیں
کرینہ کپور اور سیف علی خان کے بچے سوشل میڈیا پر پہلے ہی بہت وائرل ہوئے تھے اور اب ایک بار پھر سے یہ سوشل میڈیا پر زیر بحث آچکے ہیں.
ریاست مدھیا پردیش کے ضلع کھنڈوا کے اکیڈمک ہائٹس پبلک اسکول میں بچوں سے امتحان میں کرینہ اور سیف کے بیٹے کے نام پوچھا گیا۔
تفصیلات کے مطابق بالی وڈ کی اداکار جوڑی کرینہ کپور اور سیف علی خان کے بچوں کو جہاں اب تک میڈیا کی خاص توجہ حاصل رہی وہیں اب اداکار جوڑی کے بچے تعلیمی امتحان کا بھی حصہ بن گئے ہیں.
سکول انتظامیہ کو امتحان میں یہ سوال دینا بھاری پڑی گیا کیونکہ طلبہ کے والدین اور اسکول میں پیرنٹس باڈی نے بھارتی محکمہ تعلیم سے اسکول انتظامیہ کے خلاف سخت کارروائی کا مطالبہ کیا ہے.
طلبہ کے والدین نے محکمہ تعلیم سے اس واقعے کا نوٹس لینے اور حکام کے خلاف کارروائی کرنے کا مطالبہ کیا ہے
والدین کا کہنا ہے کہ بچوں سے اس طرح کے سوالات پوچھ کر ان کے ذہنوں میں شکوک و شبہات پیدا کئیے جاتے ہیں جس سے بچے اپنے والدین کی خلاف ورزی کرتے ہیں
سکول میں چھٹی جماعت کے طالب علموں سے امتحان میں حالاتِ حاضرہ کے سیکشن میں سیف اور کرینہ کے بیٹے کا پورا نام لکھنے کو کہا گیا۔
مقامی ایجوکیشن آفیسر کے مطابق اس معاملے پر سکول کو نوٹس جاری کردیا گیا ہے جس کا جواب آنے کے بعد مزید کارروائی کی جائے گی۔
جبکہ سکول انتظامیہ کا کہنا ہے کہ ہم ان ٹیچرز کے خلاف کارروائی کو یقینی بنائیں گے جنہوں نے بچوں سے ایسے سوالات لکھنے کو کہا ہے
Leave a Reply